𝐌𝐢𝐧𝐢𝐬𝐭𝐫𝐮 𝐌𝐃𝐑𝐇𝐂 𝐋𝐚𝐧𝐬𝐚 𝐀𝐭𝐢𝐯𝐢𝐝𝐚𝐝𝐞 𝐇𝐚𝐤𝐢𝐚𝐤 𝐈𝐤𝐚𝐧 𝐍𝐢𝐥𝐚 𝐢𝐡𝐚 𝐍𝐚𝐭𝐚𝐫𝐛𝐨𝐫𝐚

𝐌𝐚𝐧𝐚𝐭𝐮𝐭𝐨, 𝟎𝟐/𝟎𝟖/𝟐𝟎𝟐𝟓: Ministru Dezenvolvimentu Rural no Habitasaun Komunitaria (MDRHC), Eng. Mariano ASSANAMI Sabino, Lansa atividade ekonomiku produtivus grupu Kolan Foinsae ne’ebe Hakiak Ikan Nila iha Aldeia Wekadi, Suku Aubeon, Postu Administrativu Barique, Munisipiu Manatuto.

Kolam ikan ne’ebe hakiak nain sira konstrui hamutuk 6 ho medida 25×65 kada kolam, enkuantu Ministru ho Xefe Gabinete MDRHC Leo da Costa Oliveira “Lemorai” hamutuk ho hakiak nain sira husik ona ikan oan hamutuk rihun 48,500 ba kolam 3 no tuir planu sei husik tan rihun 48,500 hodi kompleta.

Ministru MDRHC, kontinua enkoraza benefisiariu sira atu nafatin iha vontade hodi kuidadu ikan oan sira ne’ebe husik ona atu bele lori rezultadu ne’ebe di’ak.

Atividade ida ne’e nu’udar programa revitalizasaun komunitaria ho objetivu atu hasa’e rendimentu ekonomia populasaun sira hahu husi aldeia mai suku, ba postu no ba munisipiu to’o nasional, nune’e ba oin ita labele dependensia bebeik produsaun husi rai seluk.

Iha aldeia ida ne’e ohin hakiak ikan nila, maibe presiza aumenta tan ikan seluk, presiza hakiak tan manu, bibi, karau no kuda produtu sira hanesan hare, batar, modo sira atu nune’e bele fornese ba merkadu liu-liu ba programa merenda eskolar.

Xefe Grupu Kolam Foinsae Sezar Mariano, espresa ninia sentimentu kontente tanba governu liu husi Ministeriu MDRHC apoiu ona sira ho osan hamutuk $16,859 hodi prepara ka sosa fasilidade sira hanesan, halo Irigasaun, Besi, Hahan Ikan, Simenti, Redi, Rai Henek, Ikan oan no seluk tan.

Enkuantu tuir dadus 2024, iha Munisipiu Mantuto implementasaun programa Ministeriu Dezenvolvimentu Rural Habitasaun Komunitaria, kobre ona Aldeia 9, Husi Suku 6 (Postu Administrativu 3).

Fontes Notísia Pajina Facebook:Ministério do Desenvolvimento Rural e Habitação Comunitária

https://www.facebook.com/share/v/1EoJfcjqR6/