𝐀𝐃𝐍 𝐌𝐚𝐧𝐚𝐭𝐮𝐭𝐨 𝐌𝐨𝐧𝐢𝐭𝐨𝐫𝐢𝐳𝐚 𝐏𝐫𝐨𝐣𝐞𝐭𝐮 𝐏𝐨𝐧𝐭𝐞 𝐧𝐨 𝐑𝐞𝐚𝐛𝐢𝐥𝐢𝐭𝐚𝐬𝐚𝐮𝐧 𝐄𝐬𝐭𝐫𝐚𝐝𝐚 𝐑𝐮𝐫𝐚𝐥 𝐢𝐡𝐚 𝐍𝐚𝐭𝐚𝐫𝐛𝐨𝐫𝐚

Manatuto, 10/06/2026. Ekipa tékniku ADN, I.P destakadu iha Munisípiu Manatuto hala’o monitorizasaun ba projetu infraestrutura rua ne’ebé atualmente iha hela faze implementasaun iha Postu Administrativu Natarbora.

Projetu dahuluk mak Projetu Setór Atualizasaun Rede Estrada (RSUP) – Asesu Ponte Ligasaun Manehat ba Natarbora, ne’ebé lokaliza iha Manehat, Natarbora.

Projetu ida ne’e implementa husi kompaña Shandong Hejian Construction Group (China) ho montante kontratu hamutuk US$ 4.605.887,72.

Rezultadu monitorizasaun hatudu katak progresu fíziku projetu to’o ona 13,89%, enkuantu progresu pagamentu atinje 5,86%.

Iha tempu hanesan, ekipa ADN mós halo monitorizasaun ba projetu Rehabilitasaun Estrada Rural Aldeia Wecadi, Suku Aubeon, Chainage 0+000–2+000 km, ne’ebé lokaliza iha Aubeon, Natarbora, Munisípiu Manatuto.

Projetu ida ne’e implementa husi konsórsiu Ramas Boten Júnior Lda sosiu ho Grand Enclave Unipesoál Lda Frecat, ho montante kontratu hamutuk US$ 447.033,10.

Bazeia ba rezultadu monitorizasaun, progresu fíziku projetu atinje ona 15,80%, no to’o agora seidauk iha pagamentu efetuadu, ho progresu pagamentu regista 0,00%.

ADN, I.P. kontinua hala’o monitorizasaun regular ba projetu sira ne’e atu asegura implementasaun obra la’o tuir planu, padraun tékniku no prazu ne’ebé determina ona iha kontratu.

 (Média-ADN)

Fontes Notísia Pajina Facebook: Agência Desenvolvimento Nacional, Instituto Público ADN, IP

 Link:  https://www.facebook.com/share/p/1DrQQEkBTA/