𝐇𝐚𝐦𝐞𝐭𝐢𝐧 𝐊𝐨𝐧𝐬𝐞𝐫𝐯𝐚𝐬𝐚𝐮𝐧 𝐙𝐨𝐧𝐚 𝐔́𝐦𝐢𝐝𝐚 𝐢𝐡𝐚 𝐁𝐚𝐫𝐢𝐪𝐮𝐞

Conservation International Timor-Leste liuhosi ekipa Projetu GEF-8 – Jestaun Zona Úmida (Lagoa), ohin (26/05), hala’o sorumutu ho Administrador Postu Barique, Jose Ramos no autoridade lokal sira husi Suku Sikone-Diloli, Aubeon, Umaboco no Fatuwaque atu introdús projetu “Hadi’a Jestaun Zona Úmida ba Biodiversidade no promove ko-ezistensia entre ema no balada fuik” ne’ebé agora tama ona ba faze implementasaun.

Durante sorumutu ne’e, ekipa entrega brosura no kalendáriu projetu nian no koordena ho autoridade sira atu hametin kolaborasaun iha implementasaun atividade sira iha komunidade.

Barique, Munisípiu Manatuto, iha lagoa boot ida ho naran Na’an Kuru ne’ebé importante tebes ba biodiversidade. Área ne’e sai hanesan habitat ba espesie oioin inklui Pombu Verde ne’ebé ameasadu atu lakon, no mos lafaek no animal seluk tan.

Ami agradese ba Administrador Postu Barique tanba fó oportunidade ba ekipa atu partisipa iha enkontru postu nian iha loron 3 Juñu 2026.

🤝 𝑯𝒂𝒎𝒖𝒕𝒖𝒌,  𝒊𝒕𝒂 𝒑𝒓𝒐𝒕𝒆𝒋𝒆 𝒛𝒐𝒏𝒂 𝒖́𝒎𝒊𝒅𝒂 𝒏𝒐 𝒃𝒊𝒐𝒅𝒊𝒗𝒆𝒓𝒔𝒊𝒅𝒂𝒅𝒆 𝒃𝒂 𝒇𝒖𝒕𝒖𝒓𝒖 𝒔𝒖𝒔𝒕𝒆𝒏𝒕𝒂́𝒗𝒆𝒍 𝑻𝒊𝒎𝒐𝒓-𝑳𝒆𝒔𝒕𝒆.

Fontes Nótisia Pagina Facebook: Conservation International Timor-Leste