
Dili, 13 Fevereiru 2024, IX Governu Konstitusional liu husi Ministeriu Dezenvolvimentu Rural no Abitasaun Komunitaria halo sosializasaun no dialogu ho komunidade ba programa Dezenvolvimentu Rural, partisipa mos Vise Ministru Komérsiu no Indústria, Sua Exelensia Sr. Augusto Júnior Trindade, iha Suku Aubeon Postu Admistrativu Barique Munisipiu Manatuto segunda, 12/02.
Objetivu sosializasaun no dialogu ho komunidade ne’e hodi kontribui ba planu dezenvolvimentu rural no abitasaun komunitariu hodi transforma ekonomia sosial ba zona rurais, ba mudansa povu nia moris.
Vise Ministru Komérsiu no Indústria, Sua Exelensia Sr. Augusto Júnior Trindade, hatete programa dezenvolvimentu rural ne’e programa ne’ebé prioridade ida ba IX Governu Konstitusional hodi halo dezenvolvimentu hahu husi baze.
“Programa ne’e kuaze hetan konsensu iha konsellu ministru para Ministeriu Dezenvolvimentu Rural no Abitasaun Komunitariu bele implementa ita haree programa ne’e atu konsolidade forsa hamutuk husi baze kedas husi aldeia sira e aldeia sira mak sei sai modelu oinsa dezenvolvimentu ne’e hahu lao”. Hatete VMCI.
Vise MKI mos husu autoridade lokal ho komunidade sira kontribui ba programa ne’e hodi bele implementa iha suku Aubeon hodi nune’e sai modelu ba suku sira seluk iha teritoriu laran.
“Mudansa mentalidade ne’e importante tebes, tamba ne’e husu ba komunidade no autoridade lokal sira kontribui ba implementasaun programa hodi suku ida ne’e bele sai modelu ba suku sira seluk ba aldeia sira seluk.”
Prejensa iha dialogu ne’e mak hanesan V-PM, V-MKI, SEPS, SEP, SEF, Autoridade Munisipiu Manatuto, Komandante PNTL Munisipiu Mantuto, Admistrador Postu Parique, Autoridade Lokal, no komunidade sira.
Midia_MKI
Fontes hosi Pájina Facebook: Ministério do Comércio e Indústria